حلوة اوى جربوها هتعجبكم
المقادير بسكويت سادة
كستر
جيلى فراولة
فراولة
للحشو
مقادير كريمة الكريم كراميل
كوب كريم شانتية او 2(كيس دريم ويب)
2كيس بودر الكريم كراميل
2علبة كريمة لبانى طازة
2كوب ماء وكوب لبن
نضرب مقادير كريمة الحشو معا ونجهز الكستر ونجهز الجيلى نعملة بكوب ونصف فقط وليس اتنين عشان يكون تقيل ويمسك بسرعة
الطريقة
نضع مقدار من كريمة الحشو بقاع الصينية
نرص وحدات البسكويت بالقاع والاجناب بالشكل دا
نضيف كريمة الحشو عليها
ونكرر العملية حتى خمس ادوار من البسكويت
نضع باقى الكريمة على الكستر فتبقى شوباسترى
نضع الخليط على وجه الصينيه وتدخل الثلاجة لمدة 3ساعات او الفريزر لو مستعجلين
ونرص وحدات الفراولة اوموز الموجود
ونصب عليها الجيلى البارد وليس ساخن وتدخل الثلاجة لمدة 3ساعات وتقدم
تورتة البسكويت بالكستر والجيلى
وبالف هنا حلوة اوى لازم تجربوها حلى سريع ولذيذ
3 comments:
هالله هالله على تورته التريفل وطعمها البدعه دى تورته ملهاش حل تسلم ايدك عليها ياقمر
الله على الجمال بجد ملهاش حل تحفه تسلم الايادى الحلوة
جميله بس الولاد مردوش يكلوها ساقعه جدا فانصح الصنف دا فى الصيف
إرسال تعليق