تورتة بالفواكة والسفن اب

ايه رايكم تورتة حكاية ولها حكاية ههههههههههه
المقادير
كيك السفن اب
على طريقتى وخلاصة تجارب ناس كتير
والحقيقة احلى كيك  عملته هش وخفيف وعالية جدا ماشاءالله يا ريت تجربوها
نشوف المقادير مع بعض

3كوب دقيق
2كوب سكر
4بيضة
فانيليا _كيس مبودر كله
ربع معلقة ملح
كوب سفن اب
كوب زيت 
معلقة كبيرة بشر برتقال او ليمون انا هنا حطيت برتقال
الحشو 
خلطة الكريم شانتية بالكريم كراميل
1كريم كراميل
1كيس كريم شانتية
2جبنة كيرى
 كوب لبن
نصف كوب ماء
للتزيين كمبوت خوخ واناناس وكيوى وبرتقال
كريم شانتية وكريز

اول حاجة نشغل الفرن على 180 درجة وندهن الصينية  بالسمن

 ونرشها بالدقيق

ونضع فيها ورقة ذبدة بالقاع فقط وليس الاجناب

نضرب السكر بالبيض والفانيليا حتى يتضاعف حجمه
ثم نضيف الزيت والسفن وبشر البرتقال  

 ونضرب 
ونضيف خليط الدقيقوالملح والمبودر بعد خلطهم معا جيدا ونضرب على سرعة بطيئة

نصب الخليط فى الصينية المجهزة وناخذ جزء من الخليط ونلونه باللون الاحمرودا طبعا اختيارى
ونضعه بالشكل دا

حبيت العب شويه بالخله الطويلة برسم اشكال للاستمتاع فقط هههههههه

وندخلها الفرن 
على درجة 180 درجة ونقفل شباك المطبخ  عشان مندخلش اى هواء واحنا مخرجين الكيك
وبيخرج بالشكل دا 

نطفى عليها الفرن ونتركها بالفرن 5دقائق
وبعدين نخرجها ونتركها بالصينية 10دقائق لانها بتكون هشة اوىلو قلبناها وهى سخنة هتهبط
وبعدين قلبتها  

عايزين نقسمها تلاتة نضع خلة ونعلم العلامات ونقطع بسكينة مشرشرة 

ونضع خلطة الكريم شانتية بالكريم كراميل 

 نحشى كل الطبقات بالشكل دا

 ونضع كريم شانتية  على الوجه والاجناب ونجمل بكمبوت خوخ واناناس وكيوى وشرائح برتقال ونلمع الفاكهة 

وجملته بالنهاية بالكريزوتقدم تورتتنا بالف هنا 

ووضعت تمثال صغير لبنت جميلة ايه رايكم

منظر لها من الداخل خطيرة جربوها على ضمانتى

اتفضلم معانا

متنسوش الرد  عايزة تعليقاتكم وتقيمكم للموضوع

Posted in:

Share